2019 წლის 17-21 თებერვალს პირველად საქართველოს ისტორიაში “დელტამ” სახმელეთო, საზღვაო და საჰაერო თავდაცვითი მრეწველობის უმსხვილეს გამოფენა IDEX-2019-ზე ეროვნული წარმოების შეიარაღების ნიმუშები წარმოადგინა.
2019 წლის 17-21 თებერვალს პირველად საქართველოს ისტორიაში “დელტამ” სახმელეთო, საზღვაო და საჰაერო თავდაცვითი მრეწველობის უმსხვილეს გამოფენა IDEX-2019-ზე ეროვნული წარმოების შეიარაღების ნიმუშები წარმოადგინა.
2018 წლის 22-24 სექტემბერს საქართველოს სახელმწიფო დაცვის სპეციალური სამსახურის მიერ ორგანიზებულ საერთაშორისო ჩემპიონატ „პირად მცველ 2018“-ში სსიპ სსსტც „დელტამ“ ეროვნული წარმოების სამხედრო დანიშნულების პროდუქცია წარმოადგინა.
საქართველოს ისტორიაში პირველად, 2018 წლის 11-15 ივნისს მსოფლიოს უმსხვილეს სამხედრო გამოფენა EUROSATORY-ზე სამხედრო სამეცნიერო-ტექნიკურ ცენტრ „დელტას“ მიერ წარმოდგენილ იქნა ქართული წარმოების სამხედრო პროდუქცია.
2018 წლის 26 მაისს საქართველოს დამოუკიდებლობის დღესთან დაკავშირებულ ღონისძიებაზე “დელტამ” საზოგადოებას უახლესი მრავალფუნქციური, მოდულური ჯავშანმანქანის პროტოტიპი “დიდგორი მეომარი” წარუდგინა.
2016 წლის 26 მაისს “დელტამ” ქართული წარმოების უახლესი 120 მმ იანი თვითმავალი ნაღმმტყორცნი GMM-120 წარმოადგინა, რომელიც ბრძოლის წარმოების თანამედროვე ციფრული სისტემებითაა აღჭურვილი.
2016 წლის 26 მაისს დამოუკიდებლობის დღის აღსანიშნავ ღონისძიებებზე სსსტც “დელტას” პროდუქცია საქართველოს 12 ქალაქში იქნა გამოფენილი.
2016 წლის მაისში საქართველოში ქართულ-ამერიკული სამხედრო სწავლება “Noble partner 2016” გაიმართა. სწავლებაში გამოყენებული იქნა “დელტას” მიერ დამზადებული სამედიცინო-საევაკუაციო ჯავშანმანქანაც.
2016 წლის გაზაფხულიდან საქართველოს შეიარაღებული ძალებისთვის “დელტას” მიერ დამზადებული ქართული ჯავშანჟილეტების და ჩაფხუტების მიწოდება დაიწყო. პირველი პარტია ავღანეთში მიმავალ სამშვიდობო კონტიგენტს გადაეცა.
დამოუკიდებელი საქართველოს ისტორიაში პირველად, 2016 წლის იანვარში “დელტას” მიერ წარმოებული სამედიცინო საევაკუაციო ჯავშანმანქანები საზღვარგარეთ გავიდა ექსპორტზე.
2015 წლის სეზონზე სატესტო რეჟიმში მუშაობის მიუხედავად სეტყვის საწინააღმდეგო სისტემამ 95 % იანი ეფექტურობა აჩვენა. სეზონის განმავლობაში 50 სეტყვასაშიში პროცესიდან სრულიად განეიტრალდა 47 პროცესი.
26 მაისს, საქართველოს დამოუკიდებლობის დღის აღსანიშნავად თბილისში, ვარდების მოედანზე სახელმწიფო სამხედრო სამეცნიერო ტექნიკურმა ცენტრმა “დელტა”-მ საზოგადოებას ქართული წარმოების საბრძოლო ტექნიკა და შეიარაღება წარუდგინა. უკვე ყველასათვის ნაცნობი ტექნიკის გარდა წარმოდგენილი იყო 15-მდე ახალი ტიპისა და დანიშნულების პროდუქტი წარმოადგინა.
2015 წლის გაზაფხულზე კახეთის რეგიონში სეტყვის საწინააღმდეგო სისტემის მონტაჟი დასრულდა, რომელმაც რეგიონში სეტყვისგან მიყენებული ზარალი მაქსიმალურად უნდა შეამციროს. კახეთის რეგიონში განთავსდა სისტემის სხვადასხვა კომპონენტები. მათ შორის მეტეორადარი და 85 მდე საცეცხლე წერტილი.
სისტემაზე მუშაობა 2013 წლიდან მიმდინარეობდა და მისი პირველი სროლები 2015 წლის 28 მაისს განხორციელდა.
17 მარტს თბილისში სასტუმრო რუმსში NATO-ს ენერგეტიკული უსაფრთხოების ცენტრის და სსიპ სსსტც „დელტა“ -ს თანაორგანიზებით NATO-ს ენერგეტიკული უსაფრთხოების სამეცნიერო ტექნიკური ცენტრის მმართველი კომიტეტის რიგით მე-6 სხდომა გაიმართა.
2014 წლის 12-14 ნოემბერს, ლიტვის დედაქალაქ ვილნიუსში NATO-ს ენერგეტიკული უსაფრთხოების ცენტრის და სსიპ სსსტც “დელტა”-ს თანაორგანიზებით კონფერენცია და ინდუსტრიული ექსპოზიცია IESMA-2014 გაიმართა, სადაც საკუთარი სტენდით წარმოდგენილი იყო სსსტც “დელტაც”.
2014 წლის 16 ოქტომბერს ლიტვის დედაქალაქ ვილნიუსში ქართულ მხარესა და NATO-ს ენერგეტიკული უსაფრთხოების ცენტრს შორის გაფორმებული ხელშეკრულებით საქართველო ცენტრის კონტრიბუტორი პარტნიორი გახდა. ქართულ მხარეს ამ ორგანიზაციაში სსსტც ,,დელტა” წარმოადგენს.
2014 წლის 17 აგვისტოს სსსტც ,,დელტას” მიერ დამზადებული სამედიცინო-საევაკუაციო ჯავშანმანქანა საუდის არაბეთის თავდაცვის სამინისტროს მიერ გამოცხადებულ ტენდერში მონაწილეობის მისაღებად გაიგზავნა. გამოცდებისას უდაბნოს რელიეფზე ტესტირებისას მანქანამ ერთ-ერთი საუკეთესო შედეგი აჩვენა.
2014 წლის 26 მაისს თბილისში დამოუკიდებლობის დღისადმი მიძღვნილ ღონისძიებაზე სსსტც “დელტა” საზოგადოებას პროდუქციის განახლებული ნომენკლატურით წარუდგა. მათ შორის: მოდერნიზებული ჯავშანმქანა ბრდმ-2, 12,7 მმ კალიბრის ანტისნაიპერული შაშხანების სამი მოდიფიკაცია, პისტოლეტები, ვაზნები, ოპტიკური სამიზნე მოწყობილობები, ჯავშანჟილეტები და სხვა.
საკუთარი წარმოების პროდუქციის ნაწილი განახლებულმა დელტამ 2014 წლის 6-8 მაისს იორდანიაში გამართულ თავდაცვითი მრეწველობის მასშტაბურ საერთაშორისო ექსპოზიცია SOFEX 2014-ზე წარმოადგინა. წარმოდგენილ ექსპონანტებს შორის იყო, ჯავშანჟილეტები, ჩაფხუტები, ნაღმმტყორცნები, ტანკსაწინააღმდეგო ნაღმი რდ-7 და სხვა.
2014 წლის 10 თებერვალს საქართველოს მთავრობის წარმომადგენლებისთვის, უცხოელი ატაშეებისთვის და მედიისთვის სპეციალური ოპერაციების ბაზაზე ქართული ჯავშანჟილეტების და ჩაფხუტების სროლითი გამოცდები ჩატარდა.
2014 წლის 28 იანვარს სსსტც “დელტამ” 31-ე ქარხნის აეროდრომზე ჯავშანმანქანა დიდგორის ბაზაზე შექმნილი ინტეგრირებული ქსელების მანქანა წარმოადგინა.
2013 წლის 9 სექტემბერს პირველ ქართულ ავიაშოუზე ,,დელტამ,, 12,7 მმ კალიბრის ანტიმატერიული შაშხანა წარმოადგინა.
2013 წლის 9 სექტემბერს პირველ ქართულ ავიაშოუზე სსსტც ,,დელტამ,, ქართული სეტყვასაწინააღმდეგო სისტემის პრეზენტაცია ჩაატარა.
2013 წლის 9 სექტემბერს სსსტც ,,დელტას,, და თავდაცვის სამინისტროს ორგანიზებით 31-ე ქარხნის აეროდრომზე პირველი ქართული ავიაშოუ გაიმართა.
2012 წლის 26 მაისს დამოუკიდებლობის დღისადმი მიძღვნილ ღონისზიებაზე სსსტც ,,დელტამ,, საკუთარი წარმოების მძიმე ტექნიკა, ავიაცია და მსუბუქი შეიარაღების გამოფენა მოაწყო.
2012 წლის 11 აპრილს ,,დელტამ,, საზოგადოებას პირველად წარმოუდგინა ქართული წარმოების შეიარაღების უახლესი ნიმუშები.
მათ შორის: ერთჯერადი და მრავალჯერადი ყუმბარმტყორცნები, ნაღმმტყორცნები, ტანკსაწინააღმდეგო ბორტსაწინააღმდეგო ნაღმი, ლულისქვეშა ყუმბარმტყორცნები, ავტომატური საიერიშო შაშხანა G-5 და სხვა.
2012 წლის 10 აპრილს ვაზიანის პოლიგონზე პირველი ქართული სადაზვერვო უპილოტო საფრენი აპარატის პრეზენტაცია გაიმართა.
2012 წლის 3 მარტს “დელტამ” ფართო საზოგადოებას პირველი ქართული საარტილერიო დანადგარი –
ზალპური ცეცხლის რეაქტიული სისტემა რს-122 წარუდგინა.
2012 წლის 25 თებერვალს ვაზიანის პოლიგონზე პირველი ქართული ქვეითთა საბრძოლო მანქანა ლაზიკას პრეზენტაცია გაიმართა.
2011 წლის 26 მაისს კი დამოუკიდებლობის დღისადმი მიძღვნილ სამხედრო აღლუმზე რეორგანიზებულმა სსსტც “დელტამ” ფართო საზოგადოებას პირველი ქართული ჯავშანმანქანები დიდგორი 1 და დიდგორი 2 წარუდგინა.
2010 წლის 1 ივლისს ქართული სამხრედრო-სამრეწველო კომპლექსის შექმნის მიზნით რეორგანიზებული “დელტას” დაქვემდებარებაში გადავიდა შპს თბილავიამშენი თავისი უძრავ მოძრავი ქონებით და ინტელექტუალური რესურსით.
დღემდე ,,დელტას,, საქმიანობის ერთ-ერთი ძირითადი მიმართულება საქართველოს სხვადასხვა კუთხეში შემორჩენილი ვადაგასული შეიარაღების და საბრძოლო მასალების უტილიზაცია-გადამუშავებაა. წლების განმავლობაში ,,დელტას,, სპეციალისტების მიერ გაუვნებელყოფილი იქნა ასეულობით ათასი ვადაგასული საარტილერიო ჭურვი, საავიაციო ბომბი, საზენიტო რაკეტები და სხვა ფეთქებადსაშიში მასალები.
2000-2002 წლებში “დელტას” მიერ რამდენიმე ეგზემპლიარის სახით დამზადდა სპეცდანიშნულების საბრძოლო მანქანები “დელგა-1” და “დელგა-2” რომელიც გამოსაცდელად კოჯრის სპეცდანიშნულების ბრიგადას გადაეცა.
1999 წელს “დელტამ” საკუთარი წარმოების შეიარაღება და აღჭურვილობა პირველად წარმოადგინა საზღვარგარეთ, რუმინეთში გამართულ თავდაცვითი მრეწველობის საერთაშორისო გამოფენა EXPOMIL-99-ზე.
“დელტას” ისტორია სათავეს XX-საუკუნის 60-იანი წლებიდან იღებს, 90-იანი წლების დასაწყისიდან კი კვლევითი ცენტრი საქართველოს თავდაცვის სამინისტროს დაუქვემდებარდა.
დღევანდელი სახით სსსტც ,,დელტა,, 2010 წელს ჩამოყალიბდა, , როდესაც ცენტრს ექვსი სამეცნიერო-კვლევითი ინსტიტუტი და თბილისის 31-ე საავიაციო ქარხანა დაექვემდებარა.
სამეცნიერო-ტექნიკური ცენტრი "დელტა" - ქართული სამხედრო მრეწველობა
