დელტა
ბლოგი
U-2 ის ახალი სიცოცხლე.
გამოქვეყნების თარიღი:
03/08/2015

ლეგენდარულმა ამერიკულმა მზვერავმა თვითმფრინავმა U-2 მა სადაზვერვო ფრენები შესაძლოა 2050 წლამდეც კი გააგრძელოს.
აღნიშნული თვითმფრინავის პირველი მოდიფიკაციები აშშ-ის საჰაერო ძალებში ჯერ კიდევ 1957 წლიდან გამოიყენებოდა.
დღეს კი პენტაგონმა, მოდერნიზებულ U-2 ებს 2019 წლამდე გაუგრძელა საფრენოსნო ვადა. მოდერნიზებული თვითმფრინავი კომპანია Northrop Grumman-ის წარმოების უპილოტო სადაზვერვო თვითმფრინავის RQ-4B Global Hawk-ის ერთგვარ ალტერნატივად განიხილება. თუმცა განსხვავებით RQ-4B -სგან, რომელსაც ჰაერში 24 საათი შეუძლია გაჩერება, U-2 მხოლოდ 12 საათს დაფრინავს.

თანამედროვე U-2-ს კომპანიების Lockheed Martin-ის და Raytheon-ის მიერ მთელი რიგი მოდიფიცირება ჩაუტარდა. მასზე დამონტაჟდა ASARS-2B ტიპის საბორტე რადიოლოკატორი, SYERS-2C ტიპის ოპტიკურ-ელექტრონული დაზვერვის სისტემა, ახალი ავიონიკა, უახლესი ნავიგაციის და კავშირგაბმულობის თანამგზავრული სისტემები.
ამ დროისათვის აშშ-ის საჰაერო ძალებში 27 ერთეული ერთადგილიანი და 5 ერთეული ორადგილიანი U-2 ირიცხება. სპეციალისტთა აზრით თვითმფრინავს აქვს პოტენციალი რომ აშშ-ს საჰაერო ძალებში 2050 წლამდეც გაძლოს.

 

CC BY 4.0 This work is licensed under a Creative Commons Attribution 4.0 International License.