დელტა
ბლოგი
B-52 ის შიდა საბომბე ნაკვეთურებს მოდერნიზაცია ჩაუტარდებათ.
გამოქვეყნების თარიღი:
27/04/2015

პენტაგონის გადაწყვეტილებით აშშ-ს საჰაერო ძალების შეიარაღებაში მყოფი B-52 ტიპის სტრატეგიული ბომბდამშენების შიდა საბომბე ნაკვეთურებს მოდერნიზაცია ჩაუტარდებათ.
გამოცხადებულ ტენდერში უმსხვილესმა ამერიკულმა ავიამშენებელმა კონცერნმა Boeing-მა გაიმარჯვა.

პირველ ეტაპზე კომპანია უკვე არსებული კარუსელის ტიპის ბომბების ჩამომყრელი მოწყობილობის სამ პროტოტიპს წარმოადგენს, რომლიდანაც საბოლოოდ აირჩევა ერთ-ერთი. 2016 წლის მარტიდან კი უკვე დაიწყება თვითმფრინავების ახალი შიდა საბომბე ნაკვეთურებით აღჭურვა, რომელიც საშუალებას იძლევა B-52 ზე მართვადი და კორექტირებადი სარაკეტო-საბომბე შეიარაღების არსენალი 50 % ით გაიზარდოს. ახლანდელ მოდიფიკაციებში მართვადი შეიარაღების დაკიდება მხოლოდ თვითმფრინავის ფრთებზე, გარე პოლონებზეა შესაძლებელი.

მოდერნიზაციის შემდეგ პირველ ეტაპზე ახალ საბომბე ნაკვეთურში შესაძლებელი იქნება 24 ერთეული 227 კგ კალიბრის და 20 ერთეული 907 კგ კალიბრის JDAM ის ტიპის კორექტირებადი ბომბების დაკიდება. შემდეგში კი JASSM და JASSM-ER ტიპის  ფრთოსანი რაკეტების დაკიდებაც.

CC BY 4.0 This work is licensed under a Creative Commons Attribution 4.0 International License.