დელტა
ბლოგი
უპილოტო ავიაციაში ახალი ერა იწყება.
გამოქვეყნების თარიღი:
27/04/2015

2015 წლის 22 აპრილი უპილოტო ავიაციის ისტორიაში ოქროს ასოებით ჩაიწერება.
აშშ-ის სამხედრო-საზღვაო ძალების და კორპორაცია Northrop Grumman-ის მიერ ერთობლივად ჩატარებულ საგამოცდო ტესტირებაზე X-47B UCAS-D ტიპის უახლესმა დამრტყმელმა უპილოტო თვითმფრინავმა ფრენის ავტონომიურ რეჟიმში, ისტორიაში პირველად საჰაერო ტანკერიდან საწვავის შევსების პროცედურა განახორციელა.
ავიაკომპანია Omega Air ის კუთვნილი KC-707  ტიპის საჰაერო ტანკერიდან X-47B-მა დროის შეზღუდულ მონაკვეთში 1,8 ტონა საწვავი მიიღო.

X-47B ტიპის აღნიშნულმა საფრენმა აპარატმა პირველი აფრენა 2011 წლის 4 თებერვალს, ედვარდსის საჰაერო ბაზიდან განახორციელა. მას შემდეგ ეტაპობრივად მიმდინარეობს სხვადასხვა საგამოცდო ტესტირებები, მათ შორის ავიამზიდიდან აფრენა-დაფრენაში და მართვადი ზეზუსტი შეიარაღების გამოყენებაში.

ფრენის ავტონომიურ რეჟიმში საწვავით გამართვისა და შეიარაღების გამოყენების შესაძლებლობა საშუალებას აჩენს, რომ მომავლის სამხედრო კონფლიქტებში  უპილოტო ავიაციის როლი განუზომლად გაიზარდოს.

CC BY 4.0 This work is licensed under a Creative Commons Attribution 4.0 International License.